सर्लाही ,वैशाख ५। सर्लाहीको ईश्वरपुर नगरपालिका वडा नं १० खैरामा मेयर गोल्डकप नकआउट फुटबल प्रतियोगिता सुरु भएको छ। जनशक्ति युवा क्लब ईश्वरपुर १० को आयोजना तथा क्लबका अध्यक्ष बिष्णुदयाल चौधरी अध्यक्षतामा उद्घाटन खेलका प्रमुख अतिथि ईश्वरपुर नगरपालिकाका मेयर मनोज देवकोटाले मेयर गोल्डकप नकआउट फुटबल प्रतियोगिताको उद्घाटन गरेका थिए ।उद्घाटन कार्यक्रममा विशेष अतिथि ईश्वरपुर नगरपालिकाका उपमेयर एकावती चौधरी,अतिथिहरुमा वडा नं १० का वडा अध्यक्ष रामनारायण चौधरी,समाजसेवी जोगनारायण चौधरी,रासनारायण चौधरी ,दिनेश ठाकुर, लगायत वडा नं १० का वडा सदस्य,विभिन्न पार्टी प्रतिनिधि लगायत खेलाडी तथा स्थानियहरु सहभागिता रहेको थियो ।
मेयर गोल्डकप नकआउट फुटबल प्रतियोगिता रौतहट ,बारा र सर्लाही गरि जम्मा ८ टिमरहेको छ। प्रथम हुने टिमलाई नगद रु ४० हजार ,कप मेडल ,प्रमाणपत्र प्रदान गरिने छ भने दितिय हुनेटिमलाई नगद रु २५ हजार कप मेडल र प्रमाणपत्र प्रदान गरिने छ। अहिले एभरेष्ट एकेडेमी लालबन्दी र रौतहट ११ बिच प्रतिष्पर्धा हुँदै छ । वैशाख ११ गते फाईनल खेल भई समापन हुने आयोजक क्लब प्रतिनिधि रामकुमार चौधरीले जानकारी दिनुभयो । उद्घाटन कार्यक्रमलाई सम्बोधन गर्नु हुदै मेयर देवकोटाले ईश्वरपुर र हरिपुर नगरपालिकाका सिमामा रहेको यश खेलकुद फिल्डलाई पालिका बाट सहयोग गरि स्तरीय बनाउने घोषना गर्नुभयो ।
मेयर गोल्डकप नकआउट फुटबल प्रतियोगिता आफुहरु संगै सम्बन्धित भएको हुदा थप जिम्मेवारी महसुस गरेको छु र खेलमा भएको अपुग रकम पनि नगरपालिकाले सहयोग गर्नेछ,खेलमा रुचि राखेका खेलाडी युवाहरुको मनोबल बढाउन आफु आफनो र नगरको तर्फबाट हर संभव प्रयास गर्ने नगर प्रमुख देवकोटाले बताए । जनशक्ति युवा क्लव ईश्वरपुर-१० द्वारा संचालित जिल्ला स्तरीय मेयर गाेल्डकप नकअाउट फुटबल प्रतियाेगितामा ग्रामिण नारी उत्थान संघ हरिपुरबाट फुटबल १ थान, बैनर-१ थान र ड्रस १२ थान सहयाेग भएको थिए ।
