नेपालले घरेलु मैदानमै खेल्ने भयो विश्वकप छनोटको ३ खेल

२६ मंसिर, काठमाडौं । सन् २०२२ मा कतारमा हुने विश्वकप र २०२३ मा चीनमा हुने एसियन कपको संयुक्त छनोटको रुपमा रहेको एसियन छनोट अन्तर्गत समूह बी मा रहेको नेपालले मार्च २५ मा चाइनिज ताइपेइसँग घरेलु मैदानमा खेल्ने भयोको छ । नेपाली राष्ट्रिय फुटबल टिमले विश्वकप छनोट अन्तर्गत दोस्रो चरणका ३ खेलहरु २०२१ मार्चमा घरेलु मैदानमै खेल्ने छ । एसियाली फुटबल महासंघले सार्वजनिक गरेको खेल तालिका अनुसार नेपालले मार्च ३० मा अष्ट्रेलियासँग खेल्नेछ भने जुन ७ मा जोर्डनसँग खेल्नेछ । २०२० को मार्च र अप्रिलमा तय थियो तर कोरोना महामारीले गर्दा अक्टोबर नोभेम्बरसम्मको लागि छनोट खेलहरु स्थगित गरिएको थियो । कोरोना कारण फेरि एएफसीले छनोटका खेलहरु २०२१ मा सारेको हो । विश्वकप छनोटको खेलका लागि तयारी गर्न अखिल नेपाल फुटबल संघ एन्फाले राष्ट्रिय टिमको क्लोज क्याम्प डिसेम्बर १२ देखि सुरु गर्दैछ । त्यसका लागि एन्फाले ५८ खेलाडीलाई बोलाइसकेको छ । कालीन नहुँदा नेपालले नोभेम्बरमा बंगलादेशसंग उसैको मैदानमा दुई अन्तर्राष्ट्रिय मैत्रीपूर्ण खेल खेल्दा पनि बालगोपालले नै प्रशिक्षकको भूमिका निर्वाह गरेका थिए ।