सिरहा- सिरहाको सखुवानन्कारकट्टी गाउँपालिकाका पाँच वर्ष मुनिका बालबालिकाको जन्मदर्ता र बालपोषण भत्ता शतप्रतिशत सुनिश्चित
गाउँपालिका घोषणा भएको छ । पाँच वर्ष मुनिका बालबालिकाको जन्मदर्ता र बालपोषण भत्ता शतप्रतिशत सुनिश्चित हुने सखुवानन्कारकट्टी प्रदेशकै पहिलो पालिका बनेको हो । युकेएड, युनिसेफ नेपालको सहयोग र लाइफ नेपालको सहजीकरणमा सखुवानन्कारकट्टी गाउँपालिकाले बिहीबार आयोजना गरेको एक कार्यक्रमका बीच बालबालिकाको जन्मदर्ता र बालपोषण भत्ता सुनिश्चित पालिका घोषणा गरिएको हो । संघीय सरकारले प्रति बालबालिका मासिक पाँच सय रुपैयाँ पोषण भत्ता उपलब्ध गराउँदै आएको छ ।
कार्यक्रममा शतप्रतिशत सरकारी सुविधाबाट लाभान्वित हुनको लागि समयमै बालबालिकाको जन्मदर्ता लिनुपर्नेमा वक्ताहरुले जोड दिएका छन् । सिरहाको सखुवा नन्कारकट्टी गाउँपालिकामा बिहीबार आयोजित बालबालिकाहरुलाई जन्मदर्ता र बालपोषण भत्ता सम्बन्धी अन्तरक्रिया कार्यक्रमका वक्ताहरुले समयमै बालबालिकाको जन्मदर्ता बनाउनुपर्नेमा गाउँपालिका अध्यक्ष केदारनाथ यादवले जोड दिए ।
पाँच वर्ष मुनिका बालबालिकाहरुको जन्मदर्ता बनाएर बालपोषण भत्ताबाट लाभान्वित हुनुपर्नेमा उनले जोड दिए । अहिलेसम्म पालिकाले दुई हजार १९ बालबालिकाको जन्मदर्ता बनाएर पोषणभत्ता सुनिश्चित गरिसकेको गाउँपालिकाका प्रमुख प्रशासकीय अधिकृत रामकिशोर महतोले बताए । गाउँपालिका उपाध्यक्ष अमलादेवी यादवको अध्यक्षतामा भएको अन्तरक्रिया कार्यक्रममा युनिसेफकी चिजा भण्डारी, लाइफ नेपालका अध्यक्ष सुरैत ठाकुर ,डलि शर्मा लगायतले बालबालिकाको समयमै जन्मदर्ता बनाएर राज्यले व्यवस्था गरेको सुविधाबाट लाभान्वित हुन सबैमा आग्रह गरेका थिए ।
तपाईको प्रतिक्रिया !