काठमाडौं ,माघ २७ महिला, बालबालिका तथा ज्येष्ठ नागरिक मन्त्री जुलीकुमारी महतोले समाज कल्याण केन्द्र बृद्धाश्रमको अनुगमन गरेकी छन् । मंगलबार बिहान पशुपतिनाथ मन्दिरको दर्शनपछि उनी बृद्धाश्रम पुगेकी हुन् । मन्त्री महतोले आश्रमा भएका सबैलाई हर्लिक्स वितरण गरेकी थिइन् । आश्रम सबै भन्दा जेष्ठ ८८ वर्षीय लाल बहादुर नगरकोटीलाई शुरुमा हर्लिक्स वितरण गर्दै उनले आश्रमको बारेमा पनि जानकारी लिएकी थिइन् ।
यस्तैमा उनले अन्य बृद्धाश्रममा रहेका आमाबुबासँग पनि आश्रमको बारेमा जानकारी लिइन् । आश्रमका दिनको दुई पटक खाना दिने र दिनको समयमा आफूहरूलाई भोक लागने गुनासो सुनेपछि उनले दिनमा तीन पटक खाना खुवाउन व्यवस्था गर्न पनि निर्देशन दिएकी छन् ।
आश्रमलाई थप व्यवस्थित गर्न सरकारको तर्फबाट गर्नुपर्ने कामहरूमा आफू प्रतिबद्ध रहेको बताउँदै उनले सक्दो छिटो जिर्ण भवनबाट राम्रो स्थानमा स्तान्तरण गर्ने पनि बताइन् । त्यसैगरी उनले भागरथी भट्टको बलात्कारपछि हत्याको घटनामा आफू र आफ्नो मन्त्रालय गम्भिर रहेको र सम्बिधत निकायसँग समनव्य गरि निष्पक्ष छानविनका लागि दबाब दिने पनि बताइन् ।
तपाईको प्रतिक्रिया !