रौतहट : रौतहटका प्रहरी नायव उपरीक्षक (डीएसपी)सहित २० जना प्रहरीमा कोरोना भाइरसको संक्रमण देखिएको छ ।
बुधवार आएको रिपोर्टमा एक इलाका प्रहरी कार्यालयमा कार्यरत प्रहरी नायव उपरीक्षक, दुईजना प्रहरी निरीक्षकसहित २० जना प्रहरीमा कोरोना संक्रमण पुष्टि भएको रौतहटका प्रहरी उपरीक्षक (एसपी) सिद्धिविक्रम शाहले बताए । ठूलो संख्यामा प्रहरी कार्यालयका कर्मचारीमा संक्रमण देखिएपछि उक्त इलाका प्रहरी कार्यालयलाई सेनेटाइज गरेर र भौतिक दूरीसहित आकस्मिक कामकाजलाई मात्रै निरन्तरता दिएको उनले बताए ।
गत शुक्रवार प्रहरी र स्थानीयवासीसहित ४१ जनाको स्वाब संकलन गरेर परीक्षण गर्दा २० प्रहरी र ८ जना स्थानीयवासीमा संक्रमण पुष्टि भएको हो । संक्रमण पुष्टि भएका प्रहरीलाई चन्द्रपुर-२ मा रहेको आइसोलेसनमा पठाइएको र इलाका प्रहरी कार्यालयमा जिल्लाबाट थप टोली पठाएको एसपी शाहले बताए ।
तपाईको प्रतिक्रिया !