– भक्ति रिजाल,सर्लाही
उदाहरणीय काम गर्दै माओबादी, सहिद परिबारलाइ घर बनाइदिने । जनयुद्ध लड्ने क्रममा २०५५ साल कार्तिक १० गते सर्लाहीको हजरियामा मारिएका इन्द्र कोइरालाको परिबारलाइ पार्टिले घर बनाइ दिने भएको छ् । केही दिन अगाडी माओबादी केन्द्र सर्लाहीको कार्यालय बैठक बसि उक्त निर्णय गरेको जिल्ला सचिब कमल बुढाथोकीले जानकारी दिए । हजरियाका एक सामन्तलाइ कार्बाही गर्ने क्रममा सहादत प्राप्त गतेका सर्लाहिका प्रथम सहिद इन्द्र कोइरालाको परिबारलाइ माओबादिले चार कोठे पक्की घर बनाइ दिने भएको हो । कोइरालाको परिबार कस्ट्कर ढंग बाट अर्काको घरमा बसेर गुजारा चलाउदै आएको थियो । कार्यालयको बैठक बसी कोइरालाकी पत्नी र छोरा छोरीलाइ आबासिय सुबिधा दिने निर्णय गरेको हो । बागमती नगरपालिकाले उपलब्ध गराएको एक कठ्ठा पाँच धुर जग्गामा चारकेठे पक्की घर बनाएर कोइरालाले सहादत प्राप्त गरेको कार्तिक १० गते कै दिन कोइराला पत्नी लक्ष्मीलाइ घर हस्तान्तरण गर्ने निर्णय भएको नेता सन्देश श्रेष्ठले जानकारी दिए । तत्कालिन रौतहट सर्लाहीका इन्चार्ज समेत रहेका कोइराला मारिए संगै उनको परिबारको बिचल्लि भएको थियो । ढिलै भए पनी पार्टीले आफ्नो समस्या बुझिदिएकोमा पार्टीलाइ उनले धन्यवाद दिएकी छिन । शहिद परिबारको पहिचान गरी सबैलाइ यसरी नै सहयोग गर्न सके शहिद प्रति सच्चा श्रद्धाञ्जली हुने नेता बुढाथोकीले बताए ।
तपाईको प्रतिक्रिया !