पूर्ब मन्त्रीद्वय झा र यादब घाइते

जनकपुरधाम, माघ २२ गते । जनकपुरमा प्रहरी र नेकपा प्रचण्ड–माधब नेपाल समूहका कार्यकत्र्ताबीच झडप हुँदा दुईजना पूर्बमन्त्री घाइते हुनुभएको छ । पूर्ब स्थानीय विकास मन्त्री रामचन्द्र झा र उद्योग तथा आपूर्ति मन्त्री मातृका प्रसाद यादब घाइते हुनुभएको हो । नेकपा केन्द्रिय सदस्य समेत रहनुभएका नेता रामचन्द्र झाको प्रहरीको कुटाइबाट टाउकोमा गम्भिर चोट लागेको हो । दुबैजनाको प्रादेशिक अस्पताल जनकपुरधाममा उपचार भइरहेको छ ।

बन्द गराउँदै हिंडेका नेता कार्यकत्र्ता र प्रहरीबीच जनकपुरधामको शिव चौकमा झडप भएको हो । सामान ढुवानी गर्ने ज १ च १५७० नम्बरको गाडीमा नेता कार्यकत्र्ताले तोडफोड गर्ने क्रममा प्रहरीसँग झडप भएको हो ।
झड्पको क्रममा प्रहरीले एक दर्जन राउण्ड हवाई फायर समेत गरेका थिए । बन्द आव्हानकत्र्ताको ढुङगामुढाबाट दुई जना प्रहरी समेत घाइते भएका छन् ।