प्रदेश २ का आर्थिक मामिला तथा योजना मन्त्री विजय कुमार यादवले देशको निर्माणमा सदियौं देखि मधेशका प्राविधिक काम गर्दै आइरहेको भएपनि अवसर र पुरस्कारवाट बञ्चित भइरहेको बताए । प्रदेश २ सरकारले प्रदेशका प्राविधिकहरुको योग्यता र क्षमता सक्दो सदुपयोग गरि उत्कृष्टलाई सम्मान र पुरस्कारको व्यवस्था गर्ने बताए ।
प्रतिनिधीसभा सदस्य उमा शंकर अरगरिया, मुख्यमन्त्री लालबाबु राउतका स्वकीय सचिव जितेन्द्र यादव सहितका वक्ताहरुले समेत मधेशका प्राविधिकहरुको समस्या र चुनौतीवाट आफुहरु अनभिज्ञ नरहेको भन्दै अव त्यसको समाधानका लागि पहलकदमीको समय आएको बताए ।
कार्यक्रममा एशोसिएसनका केन्द्रिय अध्यक्ष प्रमोद कुमार यादव अध्यक्षतामा भएको कार्यक्रममा छठ पर्वको शुभकामना आदान प्रदान तथा प्रादेशिक भौतिक संरचना सम्बन्धि अन्तरक्रिया कार्यक्रममा उपस्थित प्रदेश २ को आठवटै जिल्लाका इन्जिनियरहरुले आगामि छाता संगठनको निर्वाचनमा मिलेर जानुपर्नेमा जोड दिएका छन् । मधेशका प्राविधिक इन्जिनियरहरु संख्यामा मात्र नभई काम गर्न पनि अग्रसर भएपनि अवसरवाट बञ्चित रहेकाले एकतावद्व भएर अगाडी बढनु पर्नेमा जोड दिएका छन्
एशोसिएसनको आठवटै जिल्लाका अध्यक्षहरुको सहभागिता रहेको भेलावाट प्रदेश २ समितिको समेत घोषणा गरिएको छ । समितिको इन्चार्जमा धनुषाका ई. गौरी पण्डित, सह इन्चार्जमा ई. बुधन यादव रहेका छन् । त्यसैगरि अध्यक्षमा तेज नारायण यादव सिरहा, व.उपाध्यक्षमा जय शंकर शर्मा महोतरी, महासचिवमा राधा कृष्ण साह रौतहट रहेका छन् । समितिमा ९ उपाध्यक्ष, ९ सचिव छन भने कोषाध्यक्षमा अरुण कुमार यादव रौतहट चयन भएका छन् ।
सप्तरीका कुन्दन दत्त प्रवक्तामा चयन भएका छन भने १९ जना सदस्य गरि कुल ४६ सदस्सीय प्रदेश २ समिति चयन भएको छ । कार्यक्रममा एशोसिएसनका केन्द्रिय कोशाध्यक्ष ई.रधुन्दन ठाकुर र महासचिव तपेश्वर यादव सहितका पदाधिाकारी र प्रदेश २ को अठोओं जिल्लाका इन्जिनियरहरुको उपस्थिती थियो
