धनगढी पुगेका ओलीले प्रचण्ड माधव समूहका नेताहरुलाई भगौडाको संज्ञा

काठमाडौं । पुस २४ शुक्रबार धनगढी पुगेका ओलीले प्रचण्ड माधव समूहका नेताहरुलाई भगौडाको संज्ञा दिएका थिए । केन्द्रीय कमिटीको बैठकमा नआएर सडकमा गएको र गालीगलौज गरेको बताउनुभएको छ । यस्तै प्रधानमन्त्री ओलीले छोरी बुहारीको मतलब गर्नेले पार्टी मेरो भन्न नसुहाउने बताउनुभएको छ । प्रधानमन्त्री ओलीले दाहाल–नेपाल समूहको नेकपाका अध्यक्ष पुष्पकमल दाहालप्रति लक्षित गर्दै जनताको मतलब नभएकाले पार्टी आफ्नो भनेको बताउनुभयो । प्रधानमन्त्री ओलीले दाहाल–नेपाल समूहलाई आफन्तबाट देशमा आँखा लगाउनु आग्रह गर्नुभएको छ । सम्बोधनका क्रममा प्रधानमन्त्री ओलीले सुदूरपश्चिमलाई पछि पार्ने कुनै तागत अब कसैको नहुने बताउनुभएको छ । यस्तै प्रधानमन्त्री केपी शर्मा ओलीले पूर्व प्रधानमन्त्री एवं नेकपा अध्यक्ष माधवकुमार नेपाललाई आफूले राजनीतिमा ल्याएको दाबी गर्नुभएको छ । प्रधानमन्त्री ओलीले आफू २०२२ सालदेखि राजनीतिमा लागेको बताउनुभयो ।