सञ्चारमन्त्री पार्वत गुरुङले दुरसञ्चार ऐनलाई समयसापेक्ष संशोधनको तयारीमा सरकार रहेको बताउनुभएको छ ।
नेपालको सूचना प्रविधीको अवस्थाका बिषयमा सोमबार काठमाडौमा आयोजित कार्यक्रममा उहाले दुरसञ्चार ऐन २०५५ लाई टेकेर समयसापेक्ष संशोधन गरिने बताउनुभएको हो । मन्त्री गुरुङ बिज्ञान र प्रविधिका साथै दुरसञ्चार क्षेत्रको नीतिगत सुधार गर्न सरकार प्रतिवद्ध रहेको र यस बिषयमा सरोकारवालाहरुको सुझाव महत्वपूर्ण हुने बताउनुभयो ।
उहाले अव सेवा प्रदायकहरुले नेपालको सुगममा मात्र नभइ दुर्गम क्षेत्रमा पनि सूचना प्रविधीको समान बितरणको अवधारणा ल्याउनुपर्ने उल्लेख गर्नुभयो । डिजिटल नेपालको फ्रेमवर्कमा सरकारलाई नीजि क्षेत्रको साथ र सहयोग चाहिने उहाले बताउनुभयो ।
उहाले नेपालमा दुरसञ्चार क्षेत्रमा आउन सक्ने समस्या समाधान गर्न पनि तयार हुनुपर्ने बताउनुभयो ।
तपाईको प्रतिक्रिया !