नेपालमा बिहिबार थप ३ हजार ६३७ जनामा कोरोना पुष्टि भएको छ ।
स्वास्थ्य मन्त्रालयका अनुसार देशका बिभिन्न स्थानमा गरिएको परिक्षणका क्रममा थप ३ हजार ६३७ जनामा कोरोना पुष्टि भएको हो । मन्त्रालयका अनुसार काठमाडौं उपत्यकामा थप १ हजार ५५२ जनामा कोरोना देखिएको छ । जसअनुसार काठमाडौंमा १ हजार २८३ , ललितपुरमा १५७ र भक्तपुरमा ११२ जनामा कोरोना पुष्टि भएको छ । यो संगै नेपालमा कोरोना संक्रमितको संख्या १ लाख ४८ हजार ५०९ पुगेको छ । त्यस्तै कोरोनाका कारण थप २१ जनाको मृत्यु भएको छ भने हालसम्म कोरोनाका कारण ८१२ जनाको मृत्यु भएको छ । मन्त्रालयका अनुसार बिहिबार थप ३ हजार २१५ जना संक्रमित निको भएर डिष्चार्ज भएका छन् भने हाल सम्म १ लाख २ हजार ८२० जना संक्रमित निको भएको मन्त्रालयका प्रवक्ता डा जागेश्वर गौतमले जानकारी दिनुभयो ।
हाल सक्रिय संक्रमितको संख्या ४४ हजार ८७७ रहेको छ । हाल क्वारेन्टाइनमा ३ हजार ७५१ जना छन् भने नेपालमा हालसम्म १३ लाख ५० हजार १५२ वटा पिसिआर परिक्षण गरिएको छ ।
तपाईको प्रतिक्रिया !