जनकपुरधाम, जेठ १४ गते । कोरोना सङ्क्रमणले मृत्यु भएको जयरामा मीडिया प्रा.लि.का सञ्चालिकाको नाममा पत्रकारिता पुरस्कारको घोषणा गरिएको छ । कोरोनाभाइरसबाट सङ्क्रमित जयरामा मीडिया प्रा.लि.का सञ्चालिका रामा यादबको उपचारको क्रममा बैशाख २८ गते मृत्यु भएको थियो । जयरामा मीडिया प्रा.लि. रौतहट अन्तगर्त रेडखबर डट कम अनलाइन पत्रिका , रेडपाेष्ट दैनिक पत्रिका र रेड टेलिभिजन सञ्चालनमा रहेको छ । जयप्रकाश यादबले आफ्नो श्रीमति रामा यादबको १३ औं दिनको पूण्यतिथिको अबसर पारेर २६ हजार एक राशीको उक्त पुरस्कार घोषणा गर्नुभएको छ । उहाँले रामा यादबको देहवसान भएकै मिति पारेर उक्त पुरस्कार प्रदान गरिने जानकारी दिनुभएको छ । जयप्रकाश यादबले बेदनाबाट आफैं छटपटी रहेको अवस्थामा उक्त पुरस्कारले स्वास्थ्य सेवालाई अझै बढी प्रभाबकारी बनाउन सञ्चारकर्मीलाई प्रोत्साहन पुग्ने विश्वास ब्यक्त गर्नुभएको छ ।
