जनकपुरधाम । धनुषा जिल्लाको क्षिरेश्वर डिष्टिलरीका सञ्चालकको हत्यामा संलग्न रहेको आरोपमा प्रहरीले मृतकको सालोलाई सार्वजनिक गरेको छ ।
माघ १३ गते धनुषाको क्षिरेश्वरनाथ नगरपालिका वडा नं.७ मा रहेको क्षिरेश्वर डिष्टिलरीका सञ्चालक उदयपुरको त्रियुगा नगरपालिका वडा नं. ७ का प्रमोद रेग्मी आफ्नैं कोठामा मृत अवस्थामा फेला परेका थिए ।
उक्त घटनापछि प्रहरीले अनुसन्धान गर्ने क्रममा प्रमाणको आधारमा मृतकका सालो निरज खातीलाई पक्राउ गरी जिल्ला आदालत धनुषाबाट म्याद थप गरी अनुसन्धान सुरु गरेको छ ।
शुक्रवार जिल्ला प्रहरी कार्यालय धनुषामा भएको पत्रकार सम्मेलनमा प्रहरी उपरिक्षक प्रकाश रानाभाटले दिएको जानकारीको आधारमा सेयर लगानी सम्बन्धी विषयमा रिसवी राखी प्रमोद रेग्मीलाई अत्यधिक मदिरा सेवन गराई बाँसको लठ्ठीले उनका सालो निरज खातीले ठाउकोमा प्रहार गर्दा उनको मृत्यु भएको हो ।
घटनापछि प्रदेश प्रहरी कार्यालय जनकपुर तथा जिल्ला प्रहरी कार्यालय धनुषाले अनुसन्धान गरी मृतकको सालोलाई प्रमाण सहिँत पक्राउ गरी आदालत समक्ष बुझाएको जनाईएको छ ।
यता, पत्रकार सम्मेलनमा दिईएको जानकारी अनुसार प्रहरीले माघ महिना भित्र सिमावर्ती क्षेत्रमा चोरी पैठारी गरी ल्याईएको २८ लाख २१ ह्जार ८ सय बराबरका लत्ताकपडा , किरानाका सरसमान , मदिरा बरामद गरी जनकपुर भन्सार कार्यालयमा बुझाएका छन् ।
तपाईको प्रतिक्रिया !