धनुषामा पनि २२औं राष्ट्रिय धान दिवस तथा रोपाई महोत्सव २०८२ मनाइएको छ । यो सालको नारा “धान बालिमासधनता : खाद्य सुरक्षा र आत्मनिर्भरता’’ भन्ने नाराका साथ मनाइएको राष्ट्रिय धान दिवसको अवसरमा कृषि उत्थानका लागि काम गर्दै आएका जिल्लास्थित सरकारी कार्यालयहरुले हिलो छ्यापेर धान दिवस मनाएको हो ।
राष्ट्रिय धानबाली अनुसन्धान कार्यक्रमका धान सयोजक मथुरा यादवको अध्यक्षतामा भएको हर्दिनाथस्थित राष्ट्रिय धानबाली अनुसन्धान कार्यक्रमले आयोजना गरेको धान दिवसको अवसरमा धनुषाका प्रमुख जिल्ला अधिकारी शंकरहरि आचार्य, नेपाल प्रहरीका प्रहरी उपरीक्षक शेखर खनाल , लक्ष्मीनियाँ गाउँपालिकाका वडा नं. ५ का वडाध्यक्ष दुखरण यादव लगायत किसान र कर्मचारीहरुले संगै धान रोपाई गरे ।
प्रविधि प्रयोग गरेर कम पानीमा पनि राम्रो उत्पादन हुने जातको धानबाली लगाउनुपर्नेमा धान वैज्ञानिकहरुले जोड दिए ।
कार्यक्रममा वरिष्ठ वैज्ञानिक विज्ञ देवकुमार साफी प्राविधिक अधिकृतद्वय मोहम्मद फरहद अली दिलिप साह, परमानन्द शर्मा लगायत किसानहरुको उपस्थिति रहेको थियो ।
यता,मधेश कृषि विश्वविद्यालयले कृषिनगरमा २२औं राष्ट्रिय धान दिवस मनाए
मधेश कृषि विश्वविद्यालयले कृषिनगरमा २२औं राष्ट्रिय धान दिवस मनाएको छ। यो सालको नारा “धान बालिमासधनता : खाद्य सुरक्षा र आत्मनिर्भरता’’ भन्ने नाराका साथ मनाइएको राष्ट्रिय धान दिवसको अवसरमा जलवायु परिवर्तनको प्रभाव कृषिमा पनि परेको मधेश कृषि विश्वविद्यालयका रजिस्टार श्री भगवान ठाकुर बताए ।
प्रतिकूल मौसमका कारण धान रोपाईमा परेको प्रभाव न्युनिकरण गर्न प्रविधिको प्रयोग बढाउनुपर्नेमा ठाकुरले जोड दिइए । विद्यार्थी, कर्मचारी, प्राध्यापक तथा पदाधिकारीहरूले धान रोप्ने, धानको विविध पक्षको विवेचना तथा प्रविधि बारे अन्तरक्रियामा सहभागी भएका थिए ।
