कृषि क्षेत्रका विज्ञहरुले प्रविधिबारे जानकारी लिएर मात्रै धान खेती गर्दा उच्च प्रतिफल आउने धारणा राखेका छन् । उनीहरुले बाली लगाउँदा किसानहरुबिच समन्वय हुनुपर्नेमा जोड दिएका छन् ।
देवकुमार साफीको अध्यक्षतामा राष्ट्रिय धानबाली अनुसन्धान कार्यक्रम हर्दीनाथले आयोजना गरेको कृषक दिवस कार्यक्रममा कृषि अनुसन्धान केन्द्र, बेलाचापीका प्रमुख रामदास चौधरीले कुन क्षेत्रका लागि कुन जात उपयुक्त हुने वैज्ञानिकसँग परामर्श लिएर मात्र खेती गर्न सुझाव दिनुभयो । उहाँले कृषि अनुसन्धान तथा प्रविधि प्रवद्र्धन कार्यक्रमले त्यसका लागि सहजीकरण गर्ने प्रतिबद्धता व्यक्त गर्नुभयो ।
अर्का विज्ञ उमादेवी श्रेष्ठले गुणस्तरीय र हावापानी सुहाउँदो जातको बिऊ छनोट गर्न जोड दिनुभयो । उहाँले बिऊ छनोट र समग्र बाली उत्पादन प्रकृयामा किसानहरुबिच समन्वय हुनुपर्ने बताउनुभयो ।
कार्यक्रमका अध्यक्षता समेत गर्नुभएका कृषि अनुसन्धान केन्द्र हर्दीनाथका वरिष्ठ वैज्ञानिक विज्ञ देवकुमार साफीले व्यक्तिगत उपयोगका लागि खेती गर्नुभन्दा सोही जग्गामा उच्च प्रतिफल दिएर उन्नतीका लागि खेती गर्नु उपयुक्त हुने धारणा राख्नुभयो । उहाँले किसानले लगाउने फसलबाट आफूलाई पुगेर बिक्रि वितरण गर्न सकिने उन्नत जातको बिऊ चयन गर्न आग्रह गर्नुभयो ।
कार्यक्रममा वरिष्ठ वैज्ञानिक मोहम्मद फरहद अलीले कृषि अनुसन्धान केन्द्रले किसानलाई गुणस्तरीय बिऊ छनोटदेखि प्रविधिको प्रयोगमा सहजीकरण र समन्वय गर्दै आएको जानकारी गराउनुभयो । उहाँले काम नगरी सरकारी अनुदान नपाउने भन्दै किसानले इमान्दारीपूर्वक फसल लगाउन सचेत गराउनुभयो ।
राष्ट्रिय धानवाली अनुसन्धान कार्यक्रम हर्दिनाथ द्वारा संचालित “कृषि अनुसन्धान तथा प्रविधि प्रवद्धन कार्यकम २०८१/८२ का लागि चैते धानको कार्यक्रम सिन्धुली जिल्लाको कमलामाई नगरपालिका -९ भिमवान र दुधैली नगरपालिका -५ र ११ धनसरी त् तसै गरि रौतहट जिल्लाको चन्द्रपुर् नगरपालिकामा रहेको जानकारी गराउनुभयो ।
कमलामाई नगरपालिका -९ भिमानका किशानहरुले अतिथिहरुको स्वागत गरेका थिए सो समारोहमा कमलामाई नगरपालिकाका वडा नं. ९ का वडाध्यक्ष बिनोद प्रधान, वडा सदस्य संतोष नैय्पने, अगुवा कृषक कालीप्रसाद निरौला, धानबाली वैज्ञानिक तथा प्राविधिक रविन्द्र प्रसाद साहा प्राविधिक उमेश साह, किसान लगायत एक सय बढीको उपस्थिति रहेको थियो ।
