जनकपुरधाम उपमहानगरपालिकाका नगरप्रमुख मनोज कुमार साहले सुरक्षित मातृत्व तथा नवजात शिशु स्वास्थ्य सम्बन्धमा ७ बुदे प्रतिवद्धता जनाएको छ । मधेश प्रदेशको स्वास्थय निर्देशनालय, युएन एफ पिए र लाईफ नेपालको संयुक्त आयोजना ‘सुरक्षित मातृत्व तथा नवजात शिशु स्वास्थ्य रोडम्याप पैरवी’ कार्यक्रममा जनकपुरधाम उपमहनगरपालिका मेयर मनोज साहले उक्त प्रतिवद्धता जनाएको छ । पुर्ण सुरक्षित मातृत्व उपमहानगरपालिका बनाउन यसका सुचकहरुलाई सुधार ल्याउने, गर्भवति तथा सुत्केरी महिलाहरु सम्म गुणस्तीय स्वास्थ्य सेवा पुर्याउन उपमहानगरपालिका भित्रका स्वास्थ्य संस्थाहरुमा मावनिय श्रोत, उपकरण औषधी, पिउने पानी र सरसफाई लगायतका अन्य सेवाहरु सुनिश्चताका गर्न गराउन काम गर्ने प्रतिवद्धता गरेको छ । त्यसैगरि, शुन्य होम डिलेभरीको अत्यनगरि स्वास्थ्य संस्थामा तथा अस्पालमा सुत्केरी गराउनका लागि प्रोत्सहित गर्ने, परिवार नियोजनका पाँच वटै आधुनिक साधनहरु सबै सास्थ्य संस्थामा नियमित उपलब्ध गराउने,मातृ तथा शिशु मृत्युदर शुन्य गर्न विभिन्न जनचेतनामुलक कार्यक्रम संचालन गर्ने, भर्गवति तथा सुत्केरी सेवाका लागि निः शुल्क एम्बुलेन्स सेवा उपलब्ध गराउने तथा पुर्ण सुरक्षित मातृत्व उपमहानगरपालिका बनाउन उपमहानगरपालिकाले वार्षिक वजेटमा रकम विनियोजन गर्न सहितका बुदाहरु समावेश गरिएको छ ।
कार्यक्रममा जनकपुरधाम उपमहानगरपालिकाका सबै वडाध्यक्षहरू तथा कार्यपालिका सदस्यहरू, युएन एफ पिएका मधेश प्रदेश प्रमुख नरेन्द्र कुमार मिश्र, लाईफ नेपालका अध्यक्ष सुरैत ठाकुर, स्वास्थ्य कार्यालय धनुषाका विशजी दास, स्वास्थ्य निर्देशनालयका स्वास्थ्य अधिकृत कृष्णदेव यादव सहितका सहभागिता रहेको थियो ।
तपाईको प्रतिक्रिया !