कांग्रेसले स्थानीय तह निर्वाचनमा विद्रोही उम्मेदवार, नीजको प्रस्तावक र समर्थक पार्टीबाट स्वतः निष्काशित हुने बताएको छ । पार्टी केन्द्रीय कार्यालयका मुख्य सचिव कृष्णप्रसाद पौडेलले जारी गरेको विज्ञप्तिमा बागी उम्मेदवारी फिर्ता नलिए बागी उम्मेदवार र तिनका समर्थक प्रस्ताव स्वतः निष्कासित हुने उल्लेख छ । कांग्रेसको कडा रुलिंग पश्चात पाँच दलिय गठबन्धनले जनकपुरधामको मेयरमा लालकिशोर साह र उपमेयरमा किशोरी साहलाई जिताउने निणर्य गरेको छ । नेपाली काँग्रेसका प्रदेश सभापति कृष्ण यादवको अध्यक्षतामा बसेको पाँच दलिय गठबन्धनले नीतिगत रुपमा गठबन्धनलाई सघाउने निणर्य गरेको हो ।
गठबन्धनले जनकपुरधाम उप९महानगरपालिकामा मेयर जसपाको र उप मेयर काँग्रेसको भागमा परेको छ । बैठकवाट स्थानीय निर्वाचनमा जनकपुरधाम उपमहानगरपालिकाका गठबन्धनका उम्मेदवारहरुलाई जिताउन प्रभावकारी भूमिका निर्वाह गर्न समन्वय समिति पनि गठन गरेको छ । गठबन्धनको निर्णय संगै जसपाबाट जनकपुरधामको मेयर उम्मेदबार लालकिशोर साह र कांग्रेसबाट उपमेयर उम्मेदबार किशोरी साह बलियो देखिएका छन् । समतिमा जसपाका नगर अध्यक्ष विष्णुदेव साह, नेपाली काँग्रेसका जिल्ला उप सभापति गणेश झा, नेकपा एसका अध्यक्ष प्रमोद साह, केन्द्रीय निर्वाचन समिति सदस्य जितेन्द्र कुमार यादव, केन्द्रीय निर्वाचन समिति सदस्य जितेन्द्र प्रसाद साह र नेकपा एसका इन्चार्ज सुरेन्द्र राय रहेका छन् ।
तपाईको प्रतिक्रिया !