स्वास्थ्य कार्यालय महोत्तरी, युएनएफपिए र लाइफ नेपालको त्रिपक्षिय आयोजनामा १ दिने जिल्ला स्तरीय पूर्ण सुरक्षीत मातृत्व प्रदेश कार्याशाला गोष्ठि सम्पन्न गरिएको छ । कार्यक्रममा महोत्तरी जिल्लाका १५ वटै स्थानिय पालिकाका प्रमुख र उपप्रमुख र स्वास्थ्य संयोजक ज्यूहरुको उपस्थिती रहेको थियो । कार्यक्रममा मधेस प्रदेशलाई सुरक्षीत मातृत्व प्रदेश बनाउने सरकारको लक्ष्यलाई सफल बनाउन पालीका तहमा भएका चुनौति, ग्याप को बारेमा छलफल गरियो । त्यसै सुरक्षीत मातृत्व प्रदेश घोषणा गर्न पालीका स्तरबाट अगाडी बडाउनु पर्ने कार्यक्रमहरु बारे पनि छलफल गरियो । कार्यक्रमको महत्वबारे प्रष्टाउदै युएनएफपिएका प्रदेश कार्यालय प्रमुख नरेन्द्र मिश्रले पालीकाको बजेट निर्माण प्रक्रियामा भौतिक संरचना निर्माण, खानेपानी, सिंचाई लगायतका विषयहरु प्राथमिकतामा पर्ने गरेको र सुरक्षित मातृत्वको कार्यक्रमहरु अझै पनि ओझेलमा परिरहेको बताउदै यस क्षेत्रलाई ध्यान दिई पालिका स्तरमा यस क्षेत्रलाई पनि महत्वका साथ अगाडी बढाउनुपर्नेमा जोड दिनुभयो ।
कार्यक्रमका प्रमुख अतिथी, प्रदेश निर्देशनालयका निर्देशक विजय झाले सुरक्षीत मातृत्वमा बजेट विनियोजन गर्दा यसलाई खर्च भन्दा पनि स्थानीय तहको लगानीको रुपमा बुझी कार्य अगाडी लैजानुपर्ने बताउनुभयो । त्यस्तै कार्यक्रमका अध्यक्ष भोला यादव, प्रमुख, स्वास्थ्य कार्यालय महोत्तरीले पनि सुरक्षीत मातृत्व प्रदेश बनाउनका लागि दक्ष जनशक्ति तयार गरी, भएका संरचनाहरुको सहि संचालन गर्न सबै क्षेत्रको समन्वय र समबुझाइ आवश्यक रहेको बताउनुभयो । कार्यक्रममा कुल ३२ जनाले सहभागीता जनाएका थिए । त्यस्तै गरी लाइफ नेपाल अध्यक्ष सुरैत ठाकुरले हालसम्म १ दिने जिल्ला स्तरीय पूर्ण सुरक्षीत मातृत्व प्रदेश कार्याशाला गोष्ठि धनुषा र महोत्तरीमा सम्पन्न गरिएको र प्रदेश सरकारको लक्ष्य सफल पार्न यस कार्यक्रमलाइ मधेश प्रदेशको ८ जिल्लाको १३६ वटै पालिकामा आयोजना गरिने जानकारी पनि दिनुभयो ।
तपाईको प्रतिक्रिया !