धनुषाको गणेशान चारनाथ नगरपालिकाका मुस्लिम समुदायका केहि व्यक्तिले नगरपालिकालाई दान गरेको जग्गामा नगरपालिकाले आफ्ना प्रशासनिक भवन निर्माण गरेको छ । दुई वर्ष अघि गणेमान चारनाथ नगरपालिका २ बस्ने एकै परिवारका जलिल शाह मलंग,खातुन मलंग,मोहम्मद मन्जुर शाह, मोहम्मद सन्जुर शाह,मोहम्मद संजुरुल शाह मलंग, मोहम्मद संजुत शाह मलंग र मोहम्मद जमिर शाहले संयुक्त रुपमा करोड मुल्य बराबरको करिव १ विद्या जग्गा दान गरेका थिए ।
उक्त जग्गामा नगरपालिकाले करिव ५ करोडको लागतमा आफ्ना प्रशासनिक भवन निर्माण गरेको छ । उक्त भवनको सोमवार एक कार्यक्रम बीच मेयर रामबाबु यादवले उद्घाटन गरेका छन् । भवन उद्घाटन कार्यक्रमलाई सम्बोधन गर्दै मेयर यादवले जमिन दाता परिवारलाई प्रशंसा र धन्यवाद ज्ञापन गरेका थिए । जग्गा दाताहरुकै परिवारका कारण सिमित श्रोत साधन वावजुद नगरपालिकाले आज आफ्नो प्रशासनिक भवनमा पाएको छ, मेयर यादवले भने,‘ करोडको सम्पति दान गरेर उहाँहरुले नगरवासीको सपनालाई पुरा गर्न सहयोग भएकोमा नगरपालिकाले यो गुण कहिले बिर्सेने छैनन् ।’ मेयर यादवले दाता परिवारहरुको एक जनाको जागिर जगदाता मरउपरांत फोटो प्रशासनिक भवनमा राख्ने बताए । नगरपालिकाको आफ्नो भवन नहुदा भाडाको घरमा रहदै आएकोमा अव आफ्नै प्रशासनिक भवन निर्माण भएपछि नगरपालिकाको आर्थिक भार कम हुने मेयर यादवले बताए ।
यसैबीच, गाणेशमान चारनाथ नगरपालिकाको ७ औ नगरसभा सोमवार सम्पन्न भएको छ । ‘आऔ जुटौ एकै साथ, बनाऔ सम्वृद्ध र सबल, गाणेमान चारनाथ’ नारासहित नगरसभालाई सम्बोधन गर्दै उपमेयर मिना देवी यादवले नगरसभाले चौतर्फी विकासमा टेवा पुगने गरि योजनाहरु बनाउनु पर्नेमा जोड दिइन ।
नगरसभा नगरपालिकाका सबै वडाका वडाध्यक्ष,कार्यपालिका सदस्य तथा स्थानीयबासिको उल्लेखनीय सहभागिता रहेको थियो ।
