महोत्तरीको बलवा नगरपालिकाको–५ मा प्रशासनिक भवनको शिलान्यास गरिएको छ । नगरपालिकाको परिषदबाट भएको निर्णय अनुसार उक्त नगरपालिकाको वडा नम्बर ५ मा रहेको सार्वजनिक पोखरीलाई माटोले पुरिएर त्यसमा शुक्रवार भवनको शिलान्यास गरिएको हो । नगरपालिकाको स्थपना भएदेखि नै भाडामा बस्दै आएकोमा अव आफ्ना भवन बनेपछि सेवाग्राहीलाई सेवा प्रदान गर्न सहजता हुने मलवा नगरपालिका मेयर विनोद कुमार यादवले बताए । नगरपालिकाले बिच भागमा र हुलाकी सडकको छेउमै भएकाले यातायातको हिसावले प्रशासनिक भवन उपयुक्त स्थानमा भएको उनले बताए । एक विद्या १५ कठ्ठा क्षेफल जग्गामा ४ करोड २८ लाखको लागतमा दुई तले भवन निर्माण हुन लागेको बलवा नगरपालिकाको ईन्जिनियर हिरालाल मण्डलले बताए । भवनको शिलान्यास भएदेखि १ वर्ष ६ महिनामा भवनको सम्पुर्ण काम सम्पन्न् हुने गरि ठेक्का दिईएको बलवा नगरपालिका–५ का वडाध्यक्ष दिनेश कुमारयादवले बताए ।
तपाईको प्रतिक्रिया !