रौतहटको फतुवा विजयपुर नगरपालिकामा आयोजना गरिएको श्रीमद्भागवत सप्ताह अन्तर्गत सोमवार श्री कृष्ण जन्म उत्सव मनाईएको छ ।
श्रीमद्भागवतमा सहभागि श्राद्र्धालु भक्तजन, स्थानीयवासी तथा साधुसन्तहरुले एक अर्कालाई ददि बेसार र अबिरसहित नन्द घर आन्नद भयो भजन संगितमा मन्त्रमुग्ध भई होलि खेल्दै जन्म उत्सव मनाएका थिए । सम्पुर्ण उपमन्यू (मैनाली)गोत्रका पितृहरुको उद्धारणार्थ शुक्रवार माघ २७ देखि फागुन ६ गते सम्म चल्ने श्रीमद्भागवत सप्ताहको प्रमुख वाचक युवा पंडित श्री सुदर्शन चालिसे रहेको छ ।
संगितमय भागवत कथामा राष्ट्रिय भजन गायक श्रीराम खड्काले आफ्नो धार्मिक संगित भजनले श्रद्र्धालुभक्तजनलाई मन्त्रमुग्ध गर्दैै आएका छन् । फतुवा विजयपुर नगरपालिकामा–११ राङ्गी मा आयोजना गरिएको श्रीमद्भागवत सप्ताहमा हरेक दिन विहान ६ बजे पुजा पारायाण र दिउँसो १ वजेदेखि कथा प्रवचनको कार्यक्रम हुदै आएको ऋषि मैनाली ले जानकारी दिए ।
तपाईको प्रतिक्रिया !