नेपाली काँग्रेसको धनुषाको १४ औ जिल्ला अधिवेशन नजिकदै काँग्रेसका नेतादेखि कार्यकर्ताहरु सक्रिय भएको छ ।
जिल्ला सभापतिका काक्षिहरुले आफ्ना उम्मेदवारीका लागि फाईनल बनाउन सक्रिय छन् भने कति उम्मेदवारी घोषणा गरेकाहरु विभिन्न समिकरणमा लागेका छन् । धनुषामा अहिले सम्म काँग्रेसका पुर्व उपसभापति विमलेन्द्र निधी समुहबाट क्षीरेश्वरनगरपालिका मेयर योगेन्द्र पजियारले उम्मेदवारी घोषणा गरेपनि पार्टीका संस्थापन पक्ष र रामचन्द्र पौडेल र शेखर कोईराला समुहबाट अझै उम्मेदवारीको घोषणा हुन सकेको छैन ।
संस्थापन समुहबाट वर्तमान जिल्ला उपसभापति सन्तोष यादवले जिल्ला सभापतिमा उम्मेदवारी दिने चर्चा छ भने पौडेल कोईराला समुहबाट दिनेश प्रसैलाले उम्मेदवारी दिने चर्चा काँग्रेस वृत्तमा रहेको छ । अगामी माघ २ गते उम्मेदवारी घोषणा गर्ने बताउदै जिल्ला उपसभापति यादवले मंगलवार एक कार्यक्रम बीच जनकपुरको पिराडी चोकमा जिल्ला अधिवेशनलाई मध्यनजर गर्दै सम्र्र्पक कार्यालय स्थापना गरेका छन् ।
पार्टीको संगठन विस्तारदेखि तीनै तहको निर्वाचनमा पार्टीको राम्रो परिणाम दिलाउन आफ्ुले उम्मेदवारी दिन लागेको उनले बताए ।
मधेश काँग्रेसको उर्वाभुमि हो । र मधेशको केन्द्र विन्दु तथा प्रदेश २ को अस्थायी राजधानी जनकपुरधाम नै रहेकाले पनि काँग्रेसका शर्षि नेताहरुको ध्यान धनुषामा केन्द्रित रहेको काँग्रेसका नेताहरुको भनाई छ ।
तपाईको प्रतिक्रिया !