प्रदेश २ को धनुषा, सप्तरी र रौतहटका पाँच पालिकामा स्थानीय तहसँगको सहकार्यमा युनीसेफकाे आर्थिक तथा प्राविधिक सहयाेग र लाइफ नेपालले नगद र जिविकोपार्जनका लागि स्रोतसाधन उपलब्ध गराएको छ । क्यास प्लस परियोजना अन्तर्गत धनुषाको औरही गाउँपालिकामा सात वटा सिलाइ मशिन, बाख्रा पालनका लागि नगद २० हजार रुपियाँ वितरण गरिएको छ । त्यसैगरी, साना व्यवसाय गरेर जिविकोपार्जन गर्नेलाई ठेला उपलब्ध गराइएको छ ।
उक्त कार्यक्रम रौतहट र सप्तरीमा समेत सञ्चालन भइरहेको छ ।
धनुषाको औरही गाउँपालिका, जनकपुरधाम उपमहानगरपालिका, सप्तरीको राजबिराज नगरपालिका र रौतहट दुर्गाभगवती नगरपालिकाका कोभिड पीडित विपन्न तथा दलित समुदायलाई लक्षित गरी कार्यक्रम सञ्चालन गरिएको लाइफ नेपाल संयोजक, सुरैत ठाकुरले बताउनुभयो ।
जनप्रतिनिधिले भने यस्तो कार्यक्रमले विपन्न र दलित समुदायका लागि ठूलो टेवा पुग्ने जनाएका छन् । औरही गाउँपालिकाका अध्यक्ष ब्रम्हदेव यादबले दलित विपन्न समुदायका लागि लक्षित कार्यक्रमले जिविकोपार्जन ठूलो टेवा पुग्ने बताउनुभयो । जनप्रतिनिधिकै सहयोग र सहकार्यमा कोभिड १९ पीडित विपन्न तथा दलितको पहिचान गरी नगद र जिविकोपार्जनको साधन वितरण गरिदैछ । कार्यक्रमा उल्लेख्यरूपमा स्थानिय महिला तथा पुरूषको उपस्थितिमा सम्पन्न भएकोछ।
तपाईको प्रतिक्रिया !