जनकपुरधाम- नेपाली कांग्रेस प्रदेश २ नयाँ नेतृत्वका लागि हुने भनिएको मतदान बिहीबार बिहान ८ बजेसम्मका लागि स्थगित भएको छ।
मतदानका लागि तयारी अपुग भएपछि मतदान बिहीबार बिहानसम्मका लागि स्थगित गरिएको निर्वाचन संयोजक प्रह्लाद गौतमले जानकारी दिए।
मतपत्र छपाईको काम सम्पन्न हुन नसकेकाले मतदान कार्यक्रम सार्नु परेको उनले बताए। यसअघि बुधबार दिउँसो १ बजेका लागि निर्धारण गरिएको मतदान कार्यक्रम अन्तिम नामावली प्रकाशनमा ढिलाई भएपछि मतदान हुन सकेको थिएन।
निर्वाचन संयोजक गौतमले भने, ‘आजै राति मतपत्र छपाईको काम पूरा हुन्छ, बिहीबार बिहानै ८ बजेदेखि मतदान सुरु हुन्छ।’
