जनकपुरधाम – धनुषाका ५ जना उद्यमीहरु एक कार्यक्रमबीच सम्मानित भएका छन । सातौं उद्योग दिवसको अवसरमा घरेलु तथा साना उद्योग कार्यालय, धनुषाले ५ जना विभिन्न उद्यमीहरुलाई सम्मान गरको हो । सम्मानित हुनेहरुमा जनकपुर १६ निवासी लाहचुरा उद्यमी मिना देवी केवट, बटेश्वर निकासी पात्तको टपरी उद्यमी रामकुमार महतो, लोहना निवासी मिथिला पेन्टिङ्ग उद्यमी शोभा कर्ण, औरही ६ निवासी सर्फ तथा साबुन उद्यमी सीता देवी मंडल र बटेश्वर निवासी अगरवत्ती उद्यमी बसन्त रमौली हुन ।
उद्योग क्षेत्रमा सहयोग गर्नुको साथै स्थानिय युवाहरुलाई रोजगारी समेत सृजना गरेकाले विशेष प्रोत्साहन सहित सम्मान गरिएको कार्यालयले जनाएको छ । कार्यक्रममा प्रमुख अतिथिको आसनबाट बोल्दै उद्योग, वाणिज्य तथा उपभोक्ता हित संरक्षण निर्देशनालय, प्रदेश नं।२, जनकपुरधामका निमित्त निर्देशक विपिन कुमार ठाकुरले उद्योगको हकहित तथा विकासका लागि आफनो स्तरबाट विशेष सहयोग गर्न तर्फ लागि परेको बताउनुभयो ।
धनुषा र महोत्तरीमा औद्योगिक करिडोर निर्माण तर्फ जोड दिदै उहांले प्रदेश सरकारले समेत उद्योगको हकहित तथा विकास तर्फ विशेष रुपमा लागि परेको प्रष्ट पार्नुभयो । कार्यालयको निमित्त उद्योग अधिकृत अरविन्द कुमार झाको अध्यक्षतामा आयोजित कार्यक्रममा जनकपुरधाम उद्योग वाणिज्य संघ, जनकपुरधामका अध्यक्ष जितेन्द्र महासेठ, खाद्य, प्रविधि तथा गुण नियन्त्रण कार्यालय, धनुषाका खाद्य निरिक्षक विपिन ठाकुर,घरेलु तथा साना उद्योग कार्यालय, धनुषाका नागेन्द्र प्रसाद साह, टपरी उद्यमी रामकुमार महतो लगायतले शुभकामना मनतव्य राख्नु भएको थियो ।भनेकार्यक्रम संचालन जितेन्द्र प्रसाद सिंहलेगर्नु भएको थियो । उद्योग परिषद स्थापना भएको दिनको सम्झनामा २०७२ सालदेखि उद्योग दिवस मनाउन थालिएको हो ।
तपाईको प्रतिक्रिया !