पहिलो र दोस्रो चरणको कोभिड–१९ महामारीले प्रभावित अति गरिव विपन्न दलित परिवारलाई जीवनस्तर उकासन प्रदेश २ का ५ वटा स्थानीय तहमा क्यास प्लस ईन्टरभेशन कार्यक्रम संचालन गरिएको छ ।
युनिसेफको सहयोग तथा लाईफ नेपाल जनकपुरको समन्वयमा प्रदेश २ का अस्थायी राजधानी जनकपुरधाम उपमहनगरपालिका, धनुषाका औहरी गाउँपालिका, राजविराज नगरपालिका,दुर्गा भागवती नगरपालिका र राजगढ गाउँपालिकामा उक्त कार्यक्रम संचालन गरिएको छ । कार्यक्रमको उदेश्य तथा कार्यक्रममा गरिने गतिविधी विषयमा शुक्रवार आयोजना गरिएको एक अन्तरक्रियालाई सम्बोधन गर्दै युनिसेफका अनिता दाहालले कोभिड –१९ले हरेक क्षेत्र प्रभावित भएपनि दलित, विपन्न तथा आयस्तर निकै कमजोर रहेका वर्गहरु निकै प्रभावित भएकोले उनीहरुको जीवनस्तर उकासन यो कार्यक्रम संचालन गरिएको बताईन । कार्यक्रम लागु गरिएका स्थानीय तहहरुमा कोभिड प्रभावित गरिव विपन्न दलित वर्गको राहतको लागि आर्थिक सहयोगको साथै पोषन, शिक्षा, स्वास्थ्य लगायतका क्षेत्रका सघाउने र सहयोग गर्ने कार्यकक्रम रहेको उनले बताईन ।
त्यसैगरि, कार्यक्रमलाई सम्बोधन गर्दै युनिसेफका चिजा भणडारीले कोभिडले वहुयामिक प्रभावित भएका ५ वर्ष मुनिका दलित घरपरिवारलाई स्थानीय तह माफत आर्थिक सहयोगको साथै पोषन,खानेपानी, बालसंरक्षण, सरसफाईका क्षेत्रमा सहयोग गर्ने कार्यक्रम रहेको बताईन । कोरोनाले महामारीले ४४ प्रतिशत जनता प्रभावित भएकोमा ३५ प्रतिशत बालबालिका रहेकोले उनीलाई मध्यनजर गर्दै यो कार्यक्रम संचालन गर्न लागेको उनले बताईन ।
प्रदेश २ का स्वास्थ्य निर्देशनालयका निमति निर्देशक विजय झाको अध्यक्षतामा सम्पन्न कार्यक्रममा लाईफ नेपालका अध्यक्ष सुरैत ठाकुरले स्वागत मन्तव रहेका गरेका थिए भने कार्यक्रममा जनकपुरधाम उपमहनगरपालिका उपमेयर रिता झासहितका विभिन्न सरोकारवाला स्थानीय तहका प्रतिनिधीहरुको सहभागिता रहेको थियो ।
तपाईको प्रतिक्रिया !