जनकपुरधाम, भदौ १५ गते । प्रदेश २ का सामुदायिक विद्यालयमा बालबालिकाको गुनासो सुन्ने संरचना निर्माण गरी बालबालिकाको समस्याप्रति संवेदनशिल हुन जोड दिइएको छ । प्रदेश २ को सामाजिक विकास मन्त्रालयले विद्यालय स्तरीय गुनासो सुनुवाइ सम्बन्धी अभिमुखीकरणका सहभागीले बालबालिकाको गुनासो सुनेर सम्बोधन गर्नुपर्नेमा जोड दिएका छन् ।
मन्त्रालयका सचिब इमनारायण श्रेष्ठले आजका बालबालिका भोलिका भविष्य रहेकोले बालबालिकाको गुनासो सुन्नुका साथै समस्या सम्बोधनका लागि सञ्जाल आवश्यक रहेको बताउनुभयो । मन्त्रालयका अधिकारी तथा विज्ञले प्रत्येक सामुदायिक विद्यालयमा गुनासो सुन्न र कार्यान्वयनका लागि सञ्जाल गठन हुनुपर्ने बताएका छन् । डा. दिब्या दवाडीले प्रदेशमा बाल अधिकारको अवस्थाबारे आफ्नो धारणा प्रस्तुत गर्नुभएको थियो ।
कार्यक्रमका निर्देशक लवराज ओलिले कार्यक्रमले सामुदायिक विद्यालयमा बालबालिकाको पठनपाठनको वातावरण सुदृढ हुने दाबी गर्नुभयो ।
प्रदेश २ मा करिब पाँच सयभन्दा बढी सामुदायिक विद्यालय छन् ।
तपाईको प्रतिक्रिया !