राकेश गुप्ता सर्लाही,११ लालबन्दी । सर्लाहीको लालबन्दी नगरपालिकामा निःशुल्क सिम पाएपछि स्थानियवासी हर्षित भएका छन । लालबन्दी नगरपालिका वडा नं. १३ पत्थरकोटमा २ सय २ सिम बितरण गरिएको छ भने वडा नं. १६ परवानिपुरमा २ सय २ वितरण गरिएको वडा नं. १३ का स्थानिय रामचन्द्र श्रेष्ठले जानकारी दिए । समाजसेवी श्याम श्रेष्ठले नेपाल टेलिकम सँग समन्वय गरेर स्थानियहरु सञ्चारको सहज प्रयोग गर्ने उदेश्यका साथ दुई वटै वडा गरी जम्मा ४ सय ४ जनालाई सिम वितरण गरिएको हो । अरु नेटवर्कका सिममा नेटवर्कको समस्या भइरहेको समयमा फोर जि नेटवर्क भएको निःशुल्क सिम स्थानियहरु हर्षित भएको वडा नं. १६ का अर्का स्थानिय बलराम कार्कीले बताए । आफुहरुलाई यसरी निःशुल्क सिम वितरण गरेर नेपाल टेलिकमले गुण लगाएको स्थानियहरुले बताएका छन । सिम वितरण कार्यक्रममा वडा नं. १६ का वडा अध्यक्ष गणेश थापा, समाजसेवी युवा कृष्ण भण्डारी , नवराज पौडेल, पुष्प श्रेष्ठ लगायतका व्यक्तिहरुको उपस्थिति रहेको थियो ।
तपाईको प्रतिक्रिया !