लक्ष्मीनियाँ गापा वडा नंं. ७ भएको अनियमितता विरुद्ध ध्यानाकर्षण पत्र

जनकपुरधाम । विकासको मामिलामा लक्ष्मीनियाँ गाउँपालिले धनुषाको कयन पालिकाहरुलाई पछाडी पारेको छ ।
समयमै परिषद् गरेर विकास निर्माण लगायतको योजनाहरु संचालन गर्न पालिका अगाडी छ । अन्य वडाहरुमा जनताले विकास निर्माणको अनुभूति गरिरहँदा गाउँपालिकाको केन्द्र रहेको लक्ष्मीनियाँ (कुम्हरौडा) मा भने जनता अभैm यसको प्रतिक्षामा छन् ।
वडा नं. ७ रहेको लक्ष्मीनियाँका वडाध्यक्ष गएको चार वर्षमा आप्mनो जग्गाको मुल्यांकन बढाउने कार्यमा केन्द्रित भएको स्थानीयको गुनासो छ ।
आप्mनो खेतहरुमा पालिकाको बजेटले बाटो निर्माण गर्न सफल भएका छन् । वडाध्यक्ष गंगा साहले चार वर्षमा गरेको कामकाजको कुनै लेखाजोखा सार्वजनिक नगरेर आफु खुशि योजना बनाउने र उपभोक्ता समिति खडा गरेर बजेट चलाउँदै आएको स्थानीय युवाहरुको आरोप छ ।
सर्वसाधारणको कामकाज सरल तरिकाले गर्न नसकेका वडाध्यक्ष साहले बजेट हिनामिनामा लागेपछि स्थानीय युवाहरु विरोधमा उत्रेका छन् ।
स्थानीय युवाहरुले विभिन्न मागहरु राखेर बिहीबार उनी विरुद्ध गाउँपालिका अध्यक्ष विन्देश्वर यादवलाई ध्यानाकर्षण पत्र बुझाएका छन् ।
२०७४ सालदेखि चालु आर्थिक वर्षसम्म भएको खर्चको विवरण, योजनाहरु छनौट गर्दा भेला गरिएको माइन्युट सार्वजनिक, उपभोक्ता समिति गठन गरिएको भेलाको माइन्युट सार्वजनिक, योजना संचालन गर्न गठन गरिएको उपभोक्ता समितिको नाम सार्वजनिक, वडा कार्यालयमा नियुक्त गरिएको कर्मचारीको नाम र टेण्डर वा कोटेशन प्रक्रियाबाट काम गरेको निर्माण कम्पनीको नामावली सार्वजनिक लगायतको माग अघि सार्दै ध्यानाकर्षण पत्र बुझाएका हुन् ।
स्थानीय युवाहरुको टोलीले मागहरु आउँदो चार दिन भित्र नभए संघर्षमा जाने चेतावनी समेत दिएका छन् ।
उनले गरेको कामकाजप्रति स्थानीयमा व्यापक गुनासो छ । विकास निर्माण काममा पार्टीमुखी भएका कारण उनीमाथि पटक पटक हातपात हुने गरेको छ ।