गोंगबुमा ट्याक्सीमा आगजनी, सुमोमा तोडफोड

काठमाडौं, माघ २२।प्रचण्ड–नेपाल समूहले आव्हान गरेको आमहड्तालका क्रममा काठमाडौँको गोंगबुमा एउटा ट्याक्सीमा आजगनी भएको छ ।प्रदेश ३–०१ ००२ ज ५८८१ नम्बरको ट्याक्सीमा बिहानै आगजनी भएको हो । महानगरीय प्रहरी परिसर काठमाडौँका एसएसपी अशोक सिंहले आगजनी गर्नेहरूको खोजी भइरहेको जनाएका छन् ।

यस्तै सोही क्षेत्रमा ना १ ज ८८५९ नम्बरको सुमोमा पनि तोडफोड गरिएको प्रहरीले जनाएको छ ।ट्याक्सीमा आगजनी र सुमोमा तोडफोड भएको क्षेत्र आसपासमा बन्द गराउँदै हिँडेका केही व्यक्तिलाई पक्राउ गरिएको प्रहरीले जनाएको छ ।सरकारले अवैधानिक तवरले संवैधानिक निकायहरुमा नियुक्ति गरेको भन्दै नेकपाको दाहाल-नेपाल समूहले आज आमहड्ताल गरेको हो ।